"अब प्रतिभा जाने छैन खेर" भन्ने नारा सहित आईडलको अन्तराष्ट्रिय सृंखला "नेपाल आईडल" हुदै

पौष १७,(सुवास संकल्प), इटहरी,

कला र गलाको सम्मान अनि प्रोत्साहन गर्दै नेपालमा पनि राष्ट्रिय र स्थानिय स्तर बाट गायन प्रतियोगिता निकै हुने गरेको छ l कोहि सफल भएर प्रतियोगी तथा बिजेतालाई अवसर दिएका छन् भने कोहि नाममा मात्र सिमित रहेको उदाहरण पनि कम छैन l यहि क्रममा हाल सम्मकै बृहत अन्तराष्ट्रिय स्तरको आईडल नेपालमा हुने भएको छ l

अब नेपालले पनि आईडलको अन्तराष्ट्रिय सृंखलामा सहभागी हुने मौका पाउदै छ l सुरुमा पप आईडलको नामले बेलायतमा सुरु भएको यस सृखंला अमेरिकामा "अमेरिकन आईडल" को नामले सुरु भए पछि अस्टेलिया, न्युज्रिल्यांड, अरब, इण्डोनेसिया, ल्याटिन अमेरिका, पोल्याण्ड, पाकिस्तान, ईण्डिया, आईस्ल्याण्ड आदि देश हरुमा अन्तराष्ट्रिय सस्करण भईसकेको छ l 

बिराटनगर बिरगंज चितवन पोखरा बुटवल नेपालगंज र काठ्माण्डो गरि ७ सहर हरु बाट नेपाल आईडलको अडिसन लीईने छ l जसमा १६ देखि ३० बर्ष उमेर समुहका सबैले  निशुल्क सहभागी हुन पाउने छन् l छानिएका सबैले आईडलको अन्तराष्ट्रिय मापदण्ड अनुरुप विभिन्न ५ चरण हरु पार गर्नु पर्ने कुरा आयोजक पक्षले जनाएको छ l नेपालमा "नेपाल आईडल" को नामले संचालन हुन लागेको यो प्रतियोगिता नेपालमा हाल सम्मको बृहत र सबै भन्दा ठुलो हुने छ l 

विश्वब्यापी रुपले स्थापित हुदै गएको यो आईडलको नेपाल सस्करण भने पहिलो पटक हुन लागेको हो l "अब प्रतिभा जाने छैन खेर" भन्ने मूल नाराको साथ् नेपाल आईडलको प्रसारण नेपालकै पहिलो एच डि टेलिभिजनको रुपमा स्थापना भएको ए पी वान टेलिभिजन ले प्रसारण गर्ने भएको छ l

via IFTTT

from SHYANE http://ift.tt/2hBMhMB
via IFTTT

साथीसंग मनको कुरा समुहको तेस्रो एल्बम "संसार छोड्दै छु" (भिडियो सहित)

पौष १६, (सुवास संकल्प), इटहरी 

गित संगीतको दुनियामा फेरी पनि साथीसंग मनको कुरा व्हाट्सएप ग्रुपले पहिलो  एल्बम पर्खी बस्छु स्वर्गमा र दोस्रो एल्बम हिमालैमाको अपार सफलता पछी फेरी पनि तेस्रो एल्बम संसार छोड्दै छु लिएर आएको छ l 

उक्त गितमा सब्द/लय सर्जक कुमार थिङ् तामाङ को रहेको छ भने स्वर दिनु भएको छ लोक गायक राज बास्तोला र पूर्णकला बि सीले l  गित मा चर्चित डान्सर तथा मोडल रंजित गुरुङ का साथमा प्रकाश शाक्य (टोड्केली), अर्जुन श्रेष्ठ को जोरदार अभिनय  रहेको छ l सो गित को म्युजिक भिडियो को सम्पूर्ण छायंकन सक्किएको भने अब केहि समय पछी नै यस गीतको  पुरा म्युजिक भिडीयो युटुब च्यानल टि टाइम म्युजिक बाट सार्बजनिक गरिने छ l 

गीतको निर्माण समुहमा निमा शेर्पा, माया वाईबा तामाङ्, दावा लामा, लक्ष्मी तामाङ्, दिपा माया तामाङ्, सम्झना तामाङ्, मिरा पौडेल, सिम्रन तामाङ्, रीना तामाङ्,धिरेन्द्र रावल, मेग श्रेष्ठ, बम बहादुर तामाङ्, कुमार गुरुङ, पेमा लामा, चन्द्र तामाङ् तथा अन्य साथीसंग मनको कुरा परिवार रहेका छन् l
भिडियो :

via IFTTT

from SHYANE http://ift.tt/2iAtFON
via IFTTT

फोन उठाए मरिने : रातो नम्बर आतंक, वास्तबिकता हेर्नुस यो भिडियोमा (भिडियो सहित)

रातो नम्बरबाट आएको फोन उठाउँदा मरिने हल्लाले देशभर त्रास, यस्तो छ वास्तविकता भिडियो सहित :

via IFTTT

from SHYANE http://ift.tt/2hVWYuw
via IFTTT

नेपाल अपराजित रहँदै सेमिफाइनलमा

पुस १५ । भारतको सिलगुढीमा जारी चौथो साफ महिला फुटबल प्रतियोगिताको समूह चरणमा अपराजित रहँदै नेपाल सेमिफाइनलमा पुगेको छ ।

समूहको अन्तिम खेलमा शुक्रबार श्रीलंकालाई १–० ले हराउँदै नेपाल समूह विजेता बन्दै सेमिफाइनलमा पुगेको हो ।

लगातार दुई खेलमा फराकिलो जित हासिल गरेसँगै यसअघि नै सेमिफाइनलमा पुगेको नेपालले श्रीलंकाविरुद्ध भने संघर्ष गर्नुपर्‍यो ।

खेलको अन्तिम समयमा सपना लामाले प्रहार गरेको कर्नर बल श्रीलंकन डिफेन्डरको खुट्टामा लागेर गोलपोस्टको जाली चुमेको थियो ।

पहिलो खेलमा भुटानलाई ८–० ले तथा दोस्रो खेलमा माल्दिभ्सलाई ९–० ले हराएको नेपालले श्रीलंकाविरुद्ध भने शान्त भएर खेलेको हो ।

नेपाल रहेको समूह ‘ए’बाट सेमिफाइलनमा पुग्ने अर्को टिमको छिनोफानो भने भुटान र माल्दिभ्सबीचको शुक्रबारै साँझ हुने खेलबाट हुनेछ ।

श्रीलंका र माल्दिभ्सले एक–एक खेल जितेका अवस्थामा जितविहीन भुटान भने लगभग बाहिरिएको अवस्था छ ।

यसअघिका तीन संस्करणको फाइनलमा भारतसँगै हार्दै उपविजेतामा सीमित बनेको नेपाली महिला फुटबल टोली योपटक भने ऐतिहासिक उपाधिसहित घर फर्कने लक्ष्यमा छ ।

from ARENA http://ift.tt/2hBmIyp
via IFTTT

सातौ राष्ट्रिय खेलकुद समापन , आठौं मध्यपश्चिमाञ्चलमा

पुस १५ । अबको दुई वर्षमा मध्यपश्चिमाञ्चलमा भेट हुने गरी पूर्वाञ्चलमा भएको सातौं राष्ट्रिय खेलकुद प्रतियोगिता शुक्रबार सम्पन्न भएको छ ।

गत शुक्रबार विराटनगरमा राष्ट्रपति विद्यादेवी भण्डारीले उद्घाटन गरेको सातौं राष्ट्रिय खेलकुदको धरानमा उपराष्ट्रपति नन्दबहादुर पुनले समापन गरेसँगै सकिएको हो ।

पदक तालिकामा त्रिभुवन आर्मी क्लब शीर्ष स्थानमा रहँदा सशस्त्र प्रहरी दोस्रो तथा नेपाल पुलिस क्लब तेस्रो भएको छ ।

२/२ वर्षमा हुने राष्ट्रिय खेलकुदको आठौं संस्करण मध्यपश्चिमाञ्चलमा हुने भएको छ ।

मध्यपश्चिमाञ्चल र पश्चिमाञ्चलबीच भएको दाबेदारी टक्करमा मध्यपश्चिमाञ्चलले बाजी मारेको हो ।

२०३८ सालदेखि सुरु भएको राष्ट्रिय खेलकुद योपटक पाँच वर्षपछि भएको हो ।

छैटौं संस्करण २०६८ सालमा सुदूरपश्चिमाञ्चलमा भएको थियो ।

from ARENA http://ift.tt/2imBqbq
via IFTTT

फुटबलको स्वर्ण सशस्त्रले जित्यो

पुस १५ । पूर्वाञ्चलमा भएको सातौं राष्ट्रिय खेलकुद प्रतियोगिताअन्तर्गत्को पुरुष फुटबलको उपाधि सशस्त्र प्रहरीले जितेको छ ।

शुक्रबार धरान रंगशालामा भएको पुरुष फुटबलको फाइनलमा त्रिभुवन आर्मी क्लबलाई पराजित गर्दै सशस्त्र प्रहरीले बाजी मारेको हो ।

पहिलोपटक राष्ट्रिय प्रतियोगितामा पहिलो भएको सशस्त्रले फाइनलमा आर्मीलाई २–० ले हरायो ।

सशस्त्रका लागि दुबै गोल अन्जन विष्टले गरे । दुबै गोल मध्यान्तरअघि नै भएका थिए ।

उपाधिसँगै सशस्त्रले स्वर्णपदक तथा उपविजेता आर्मीले रजत जित्दा नेपाल पुलिस क्लबले तेस्रो हुँदै कास्यपदक जितेको छ ।

from ARENA http://ift.tt/2imAMun
via IFTTT

फाल्गुनन्द गोल्डकपको तयारी भब्य हुदै

पुस १४ । आठौं अन्तर्राष्ट्रिय फाल्गुनन्द गोल्डकपको तयारी अन्तिम चरणमा पुगेको छ ।

पाँचथरको फिदिममा शुक्रबारदेखि हुने प्रतियोगिताका लागि खेल मैदानमा बाँसको प्याराफिटसमेत बनाएर अन्तिम चरणको तयारी भइरहेको आयोजक फिदिम स्पोर्टिङ क्लबका अध्यक्ष किरण श्रेष्ठले जानकारी दिए ।

प्रतियोगिताको पुरस्कार राशीसमेत वृद्धि गरिएको छ । अघिल्लो संस्करणसम्म विजेताले एक लाख रुपैयाँ पाउने गरेको भए पनि यस वर्षदेखि २ लाख ५० हजार रुपैयाँ पुरस्कार पाउने आयोजकले जनाएको छ ।

पुस २३ गतेसम्म सञ्चालन हुने प्रतियोगितामा नेपालका ए डिभिजन क्लबसहित भुटान, सिक्किम, दार्जिलिङका १० टोली सहभागी हुने भएका छन् ।

from ARENA http://ift.tt/2hAtXZ6
via IFTTT

साउथह्याम्पटनलाई टोटनह्यामले हरायो

पुस १४ । इङ्लिस प्रिमियर लिग फुटबलअन्तर्गत बुधबार राति भएको खेलमा टोटनह्याम हट्सपर विजयी भएको छ ।

लण्डन क्लब टोटनह्यामले साउथह्याम्पटनलाई उसैको मैदानमा ४-१ ले हराएको हो । खेलमा टोटनह्यामलाई विजयी गराउन डेले अलीले दुई गोल गरे भने ह्यारी केन र सन ह्युङ मिनले एक–एक गोल थपे ।

पराजित टोली साउथह्याम्पटनका लागि भर्जील भान डाईकले एक गोल फर्काए । यो जितपछि टोटनह्याम हट्सपरले लिगको अंक तालिकामा चौथो स्थानको आर्सनलसँग दूरी घटाएको छ ।

१८ खेलबाट टोटनह्यामले ३६ अंक जोडेको छ भने आर्सनलको ३७ अंक छ । ३९ अंक जोडेको म्यान्चेस्टर सिटी तेस्रो स्थानमा छ ।

दोस्रो स्थानको लिभरपुलको ४० अंक छ भने ४६ अंकका साथ चेल्सी शीर्ष स्थानमा रहेको छ ।

from ARENA http://ift.tt/2in3EoM
via IFTTT

आर्मी पुरुष फुटबलको फाइनलमा

पुस १४ । मध्यमाञ्चललाई ‘सडनडेथ’मा ७–६ गोलले पराजित गर्दै त्रिभुवन आर्मी क्लब सातौं राष्ट्रिय खेलकद प्रतियोगितमा पुरुष फुटबलतर्फ फाइनलमा प्रवेश गरेको छ ।

धरान–१७ स्थित एन्फा टेक्निकल सेन्टरको खेल मैदानमा विहीबार आर्मीले पेनाल्टी सुटआउटमा मध्यमाञ्चललाई पराजित गर्दै फाइनलमा स्थान बनाएको हो ।

आर्मीले उपाधिका लागि शुक्रबार (भोलि) सशस्त्र प्रहरीको एपीएफ क्लबसँग खेल्नेछ ।

आर्मी र मध्यमाञ्चलबीच बुधबार निर्धारित् ९० मिनेट र थप गरिएको ३० मिनेटमासमेत गोल हुन नसकेपछि खेल विहीबार (आज)का लागि सारिएको थियो ।

आज दुबै टिम पेनाल्टी सुटआउटबाट निर्णय लिन सहमत भएपछि खेलमा सीधै ‘टाइब्रेकर’ भएको हो ।

from ARENA http://ift.tt/2hApIwQ
via IFTTT

कसको पदक कति ?

पुस १४ । पूर्वाञ्चलमा जारी सातौं राष्ट्रिय खेलकुद अन्तर्गत विभागीय टोली नेपाल आर्मी अग्रज स्थानमा रहेको छ ।

आर्मीले जारी प्रतियोगितामा ९१ स्वर्ण, ५१ रजत तथा २१ कास्य गरेर कुल १ सय ६५ वटा पदक हात पारेको छ भने सशस्त्र प्रहरी ३२ स्वर्ण, २७ रजत र ४८ कास्यसहित १०७ पदकका साथ दोश्रो स्थानमा छ ।

मध्यामञ्चल २१ स्वर्ण, ३९ रजत र ४६ कास्यसहित १०६ पदक जितेर तेश्रो स्थानमा छ ।

नेपाल पुलिस क्लबले ३७ स्वर्ण, २९ रजत र ३६ कास्यसहित ९२ पदकका साथ चौथो स्थानमा छ । सुदूरपश्चिमले ३ वटा स्वर्ण १० रजत र ५० कास्य जितेको छ ।

मध्यपश्चिम ७ स्वर्ण, १३ रजत र ३७ कास्य जितेको छ । पूर्वाञ्चलले हालसम्म ६ स्वर्ण, ११ रजत र ४० कस्य पदक जितेको छ । पश्चिमाञ्चलले ५ स्वर्ण, १८ रजत र ३० कास्य जितेको छ ।

अहिलेसम्म १ सय ९८ स्वर्ण, १ सय ९८ रजत र ३ सय २८ कास्य पदक गरी कूल ७ सय २४ पदकको छिनोफानो भएको सातौं राष्ट्रिय खेलकुद प्रतियोगिता प्रचार प्रचार उपसमितिका सदस्य दामोदर आचार्यले जनाकारी दिए ।

शुक्रबारदेखि सुरु भएको सातौं राष्ट्रिय खेलकुद प्रतियोगिता पूर्वाञ्चलका विभिन्न स्थानमा जारी छ ।

from ARENA http://ift.tt/2iKp0xf
via IFTTT

बलिउड अभिनेत्री प्रियंका चोपडाले नेपाली फिल्म ’पौव’ निर्माण गर्ने

पौष १४, काठमाण्डो,

बलिउड नगरी हुँदै हलिउडसम्म आफूलाई स्थापित गराएकी नायिका प्रियंका चोपडाले नेपाली फिल्म बनाउने भएकी छिन् ।

प्रियंकाले आफ्नै होम प्रोडक्शनबाट नेपाली भाषा को बाहुल्यता रहेको सिक्किम बेस्ड फिल्म निर्माण गर्ने भएकी हुन् । उसो त उनले होम प्रोडक्शन हाउस पर्पल पेबलबाट भोजपुरी, मराठी फिल्म समेत निर्माण गरिसकेकी छिन् ।

प्रियंकाकी आमा मधु चोपडाले जानकारी दिए अनुसार नेपाली फिल्म ’पौवा’मा नेपाल र सिक्किमका कलाकार तथा क्रु मेम्बरहरु रहने छन् ।’पाहुना’ अर्थ लाग्ने फिल्म ’पौव’ले आमाबुबा देखि टाढिएका बालबालिकाको कथा रहनेछ ।

via IFTTT

from SHYANE http://ift.tt/2iafHp1
via IFTTT

प्रमोद खरेललाई नरोउ भन्नेले नै रुवाइ जानाले (भिडियो सहित)

पौष १४, काठमाण्डो,

कबिता धितालको शब्द , राज कुमारको संगीत अनि प्रमोद खरेलको स्वरमा नरोउ भन्नेले नै रुवाइ गयो र त बोलको गीत सार्वजनिक भएको छ । 

हाललाई कभर भिडियोको रुपमा सार्वजनिक गरिएको गीतको अधिकारिक म्युजिक भिडियो पनि छायाँकन भईसकेको र  सो भिडियो पनि चाडै सार्वजनिक हुने बताइएको छ । बाराही म्युजिकले बजार ब्यबस्थापन गरेको प्रस्तुत गीत दर्शक स्रोताले मन पराउने आशा  ब्यक्त गरिएको छ ।
भिडियो :

 

via IFTTT

from SHYANE http://ift.tt/2hxDoZr
via IFTTT

पलभर मै तोडियो सागरले बर्षौ देखि लगाएको माया (भिडियो सहित)

पौष १४,(सुवास संकल्प), इटहरी,

सबैसामु परिचित हुने सपना सबै संग हुन्छ, नाम, दाम र इज्जत संगै सफल भबिष्य सोचेर कला जीवन जिउन चाहनेहरु पछिल्लो समय निकै नै देख्न सकिन्छ l 

यहि सपना साकार हुने बिस्वासका साथ् कला दुनिया अर्थात मोडलिङ्ग मा प्रवेश गरेका छन् सागर राई l आफु संग कला भएको र गर्न थाले अगाडी बढ्न सकिन्छ भन्ने आत्माबिस्वासका साथ् यो क्षेत्रमा प्रवेश गरेका सागर काठमाण्डो बाट संघर्ष गरिरहेका छन् l भर्खरै उनले एक मार्मिक गीत मा जिवन्त अभिनय गरेका छन् l

गायिका मलिना थापाको अवाजमा रहेको “बर्षौ देखि” बोलको उक्त गीतमा किरण गौचनको शब्द, राजिव शाहको संगीत रहेको रहेको छ l त्यस्तै अनुप श्रेष्ठको छायांकन, जीवन शाही र झलक विवशको निर्देशनमा बनेको उक्त गीतको म्युजिक भिडियोमा सागर संग सोनु राई,  र सबिना लामाले स्क्रिन रोमान्स् गरेका छन् भने दि म्युजिक ग्यालरीले बजार व्यवस्थापन गरेको छ ।
हेर्नुस भिडियो :

 

via IFTTT

from SHYANE http://ift.tt/2hOSgP4
via IFTTT

सबैको गन्तव्य "गोकुलम", १ बर्ष पहिले र अहिले : हेर्नुस गोकुलममा छायांकन भएको पहिलो म्युजिक भिडियो (भिडियो सहित)

पौष १३, इटहरी,

पुर्वको पर्यटकिय स्थलको रुपमा पछिल्लो समय परिचित नाम हो गोकुलम रिसोर्ट । कुनै पनि कुरा स्थापित हुन निकै समय अर्थात बर्ष लाग्ने गर्दछ तर गोकुलम रिसोर्ट स्थापना भै स्थापित हुन निकै समय कुर्नु परेन ।

गोकुलम स्थापित भै घुम्न लाई सबैको गन्तव्य स्थल भएको एक बर्ष अलि बढी भएको छ । स्थापित हुँदै गर्दा बिकाश हुन पनि खासै समय लागेको छैन गोकुलम लाई । यसको एक मात्र उदाहरण हो "म्युजिक भिडियो" ।

 आजकै दिन अर्थात २०१५ डिसेम्बर २८ को दिन गोकुलम मा पहिलो पटक एक म्युजिक भिडियो को छायांकन भएको थियो, जुन हो "बुझ्नै गार्‍हो भो" । भिडियो मा हेर्दा अहिलेको गोकुलम र एक बर्ष अघिको गोकुलममा आकाश जमिन को फरक देख्न सकिन्छ । 

गायक सन्दिप मोते को गीतमा डि थ्री प्रोडक्सन नेपाल ले पहिलो पटक भिडियो लाई गोकुलम मा छायांकन गरेको थियो । भिडियोमा माधब केसि लगायत कलाकारको अभिनय तथा सुवास संकल्पको निर्देशन रहेको छ भने निक बिष्ट ले छायांकन गरेका छन । 

हेर्नुस गोकुलम मा एक बर्ष अघि छायांकन भएको पहिलो भिडियो :

via IFTTT

from SHYANE http://ift.tt/2iqAJxt
via IFTTT

नेपालले आज माल्दिभ्सको सामना गर्दै

पुस १३ । भारतको सिलिगुढीमा सम्पन्न चौथो साफ महिला फुटबल च्याम्पियनसिपमा आज(बुधबार) नेपालले माल्दिभ्सको सामना गर्दैछ ।

पहिलो खेलमा भुटानलाई ८-० ले पराजित गरेको नेपाल आज माल्दिभ्सविरुद्ध पनि सोही लयलाई निरन्तरता दिन चाहन्छ ।

माल्दिभ्सले भने पहिलो खेलमा श्रीलंकालाई ५-२ ले पराजित गरेको थियो । प्रतियोगिताको उपाधि जित्ने लक्ष्यसहित भारत पुगेको नेपाली टोलीले यसपछि समुहको अन्तिम खेलमा श्रीलंकाको सामना गर्नेछ ।

सात राष्ट्र सहभागि प्रतियोगिताको अर्को समुहमा भारत, अफ्गानिस्तान र बंगलादेश रहेका छन् ।

सन् २०१० बाट सुरु भएको साफ महिला च्याम्पियनसिपमा यसअघिका तीन वटै संस्करणको फाइनलमा नेपाललाई भारतले हराएको थियो ।

from ARENA http://ift.tt/2i67emP
via IFTTT

उसुमा आर्मीलाई १० स्वर्ण

पुस १२ । सातौं राष्ट्रिय खेलकुद प्रतियोगिताअन्तर्गतको उसु खेलमा त्रिभुवन आर्मी क्लबले स्वर्णपदकमाथि कब्जा जमाएको छ ।

मंगलबार सुनसरीको धरानस्थित अमर सेवा समाजको कबर्डहलमा भएको फाइनलमा आर्मीले १० स्वर्णपदकसहित ४ ओटा रजत र ५ ओटा कास्यपदक हात पारेको छ ।

आर्मीका तर्फबाट उसुको ‘थावलु’तर्फ विजय थापा सिन्जाली, हरिप्रसाद गोले, सविता राई, ओशिन राई, नीमा घर्तीमगरले स्वर्णपदक हात पारे ।

त्यस्तै, उसुको ‘सान्सौं’तर्फ आर्मीकै चित्रसिंह ठकुरी, रामचन्द्र बराल, लुमन्ती श्रेष्ठ र बिन्दू पुनले स्वर्णपदक जितेका छन् ।

अर्को विभागीय टोली सशस्त्र प्रहरीले ६ ओटा स्वर्णपदकसहित ३ रजत र ४ कास्यपदक जितेको छ ।

सशस्त्रका तर्फबाट उसुको ‘थावलु’तर्फ सुस्मिता तामाङ र ‘सान्सौं’तर्फ अशोक खालिङ, अमर सुनार, मंगल प्रसाद थारु, सन्जीव महर्जन, तेज बहादुर पल्लीले स्वर्णपदक जितेका छन् ।

नेपाल पुलिस क्लबका तर्फबाट प्रेमचन्द्रसिंह दर्लामी र जुनी राईले उसुको ‘सान्सौं’ तर्फबाट स्वर्णपदक पाए ।

मध्यमाञ्चल विकास क्षेत्रले उसुमा ३ ओटा स्वर्ण जितेको छ । घरेलु मैदानमा आयोजना गरिएको सातौं राष्ट्रिय खेलकुदको उसुतर्फ पूर्वाञ्चल स्वर्णपदकविहीन भएको छ ।

मध्यपश्चिमाञ्चललाई उसुको ‘थावलु’तर्फ एउटा स्वर्णपदक प्राप्त भएको छ ।

सुदूरपश्चिमाञ्चलबाट सान्सौंतर्फ एलिना चौधरीले स्वर्णपदक जित्न सफल भएकी छन् ।

from ARENA http://ift.tt/2ioNKra
via IFTTT

पुलिसलाई सुटिङमा स्वर्ण

पुस १२ । पूर्वाञ्चलमा जारी सातौं राष्ट्रिय खेलकुदअन्तर्गत् महिला १० मिटर एअर राइफल टिम इभेन्ट्समा नेपाल पुलिसले स्वर्णपदक हात पारेको छ ।

नेपाल पुलिसकी अस्मिता राई, फूलमाया क्याप्छाकी र दुर्गा सिङ्जालीको जोडीले कुल एक हजार १२२ अंक हासिल गर्दै स्वर्ण प्राप्त गरेका हुन् ।

मध्यपश्चिमले एक हजार ६८ अंक हासिल गरेर रजतपदक प्राप्त गरेको छ । मध्यपश्चिम टिममा शान्ति विष्ट, सीता सिंह र रुशी सोमै थापामगर थिए ।

यस्तै, बीना परियार, कल्पना परियार र सुबिना तामाङ सम्मिलित नेपाली सेनाको टिमले एक हजार ५४ अंक प्राप्त गरेर कास्यपदक पायो । रासस

from ARENA http://ift.tt/2hqZdIs
via IFTTT

दिनेश श्रेष्ठले जिते नयाँ कीर्तिमान

पुस १२ । सातौं राष्ट्रिय खेलकुद प्रतियोगिताअन्तर्गत् सप्तरीको राजविराजमा जारी भारोत्तोलनमा त्रिभुवन आर्मी क्लब ५ स्वर्ण ७ रजत र १ कास्यपदकसहित शीर्ष स्थानमा कायमै छ ।

अर्को विभागीय टोली नेपाल पुलिस क्लब ४ स्वर्ण, २ रजत र २ कास्यसहित दोस्रो स्थानमा छ ।

यसैगरी, पूर्वाञ्चल २ स्वर्ण र १ रजतसहित तेस्रो स्थानमा छ ।

मंगलबार भएको पुरुषतर्फको ९४ केजी तौल समूहमा त्रिभुवन आर्मीका दिनेश श्रेष्ठले २६८ केजी तौल उचालेर नयाँ राष्ट्रिय कीर्तिमान रच्दै स्वर्णपदक हात पारेका छन् ।

महिलातर्फको ६९ केजी तौल समूहमा नेपाल पुलिसकी राज्यलक्ष्मी थापाले १३६ केजी, महिलातर्फकै ७५ केजी तौल समूहमा पूर्वाञ्चलकी शान्ति चौधरी १३५ केजी उचालेर स्वर्णपदक प्राप्त गरेका छन् ।

from ARENA http://ift.tt/2ibYYzu
via IFTTT

सेपाकताक्रोमा पश्चिमाञ्चललाई २ स्वर्ण

पुस १२ । सातौं राष्ट्रिय खेलकुद प्रतियोगिताअन्तर्गत् सेपाकताक्रोमा पश्चिमाञ्चल क्षेत्रको टिमले २ स्वर्णपदकसहित शीर्ष स्थान ओगट्न सफल भएको छ ।

पश्चिमाञ्चलले मंगलबार पुरुष डबल्स र महिला डबल्समा स्वर्ण जितेको हो ।

साथै, पश्चिमाञ्चलले पुरुष रेगो र महिला रेगोमा रजतपदक जितेको छ ।

विभागीय टिम त्रिभुवन आर्मीले २ स्वर्णसहित एक रजतपदक जितेर दोस्रो स्थानमा छ ।

सुदूर पश्चिमाञ्चल एक स्वर्ण, एक रजत र एक कास्यसहित तेस्रो बनेको छ ।

सुदूरले महिला रेगोमा स्वर्ण जित्दा महिला डबल्समा रजत र पुरुष टिम इभेन्टमा कास्यपदक जितेको हो ।

मध्यमाञ्चलले चार कास्यपदक जित्दा आयोजक पूर्वाञ्चल पदकविहीन बन्यो ।

from ARENA http://ift.tt/2hXpAqS
via IFTTT

अब नेपालले एसिया कप छनोट खेल्न पाउने

पुस १२ । नेपाली राष्ट्रिय पुरुष फुटबल टिमले एएफसी एसिया कप छनोट प्रतियोगितामा सहभागिता जनाउन पाउने भएको छ ।

                    छनोट चरण खेल्ने अवसर पाएको ग्वामले नाम फिर्ता लिएपछि नेपालले उक्त अवसर पाएको अखिल नेपाल फुटबल संघ (एन्फा)ले मंगलबार जनाएको छ ।

मलेसियामा सम्पन्न एएफसी सोलिडारिटी कप फुटबलको उपाधि जितेर विश्वको ध्यान खिच्न सफल नेपालले ग्वामको ठाउँमा खेल्ने अवसर पाएको हो ।

२४ टिमलाई ६ समूहमा विभाजन गरी खेलाइने छनोट चरणमा समूहका शीर्ष दुई टिम एसिया कपको मुख्य स्पर्धामा छानिनेछन् ।

छनोट चरणको समूह ‘ड्र’ आगामी जनवरी २३ तारिखमा हुने जनाइएको छ । आगामी एसिया कप सन् २०१९ मा युएईमा हुँदैछ ।

from ARENA http://ift.tt/2ibQeJZ
via IFTTT

सशस्त्रले खेल छाड्यो, पूर्वाञ्चलले बाजी मार्‍यो

पुस १२ । सातौं राष्ट्रिय खेलकुद प्रतियोगिताअन्तर्गत् महिला क्रिकेटको स्वर्णपदक पूर्वाञ्चलले जितेको छ ।

मंगलबार सुनसरीमा भएको फाइनलमा सशस्त्र प्रहरीले अन्तिममा खेल छाडेपछि पूर्वाञ्चलले बाजी मारेको हो ।

६४ रनको चुनौती लिएर मैदानमा उत्रिएको सशस्त्रले ७ बलमा ५ रन बनाउनुपर्ने अवस्था रहेकाबेलामा चौकाको विषयमा विवाद भएपछि सशस्त्रले ‘वाकआउट’ हुँदै मैदान छाड्दा पूर्वाञ्चलले स्वर्णपदक जितेको हो ।

चौका भए/नभएको विवाद आएपछि सशस्त्रले चौका पाउनुपर्ने माग गरे पनि ‘अन फिल्ड’ अम्पायरले नियमानुसार ‘फिल्डर’लाई सोध्दा चौका नभएको बताएपछि अम्पायरले पूर्वाञ्चलको पक्षमा निर्णय गरेका थिए ।

यसअघि, टस जितेर पहिले ब्याटिङ गरेको पूर्वाञ्चलले १८ ओभर ४ बल क्रिजमा टिकेर ६३ रन जोडेको थियो ।

जवाफमा साविक विजेता सशस्त्रले ८ विकेट गुमाइसकेको अवस्थामा विवाद भएपछि खेल त्यागेको हो ।

पटक–पटक सशस्त्रलाई मैदानमा आउन समय दिएपनि नआएपछि पूर्वाञ्चलले स्वर्ण तथा सशस्त्रले रजतमा चित्त बुझाएको हो ।

from ARENA http://ift.tt/2iBUL7B
via IFTTT

"न आमाको माया पाए" भन्दै छिन सानी नानी जिग्मे छोकी घिसिङ (भिडियो सहित)

पौष १२, (सुवास संकल्प), इटहरी,

संगीत मोह सबैमा हुन्छ । संगीतले जात-भात, सानो-ठूलो केहि भन्दैन । यो साङगितिक दुनियामा हालै सानी नानी अर्थात बाल गायिका ले मर्मस्पर्शी गीत लिएर आएकी छिन ।

बाल गायिका जिग्मे छोकि घिसिङ को आवाज रहेको उक्त गीत निकै नै मर्मस्पर्शी छ । उनको एल्बम "टुहुरी" मा समाबेश "न आमाको माया पाए" बोलको उक्त भर्खरै युटुब मार्फत सार्बजनिक भएको हो । 

सो गीतमा कर्मा सेर्पाको शब्द रहेको छ भने बिनोद खम्बुले संगीत भरेका छन । त्यस्तै आर एन्ड एस म्युजिकको प्रस्तुती रहेको उक्त गीतमा चन्दु गोर्खालिको एरेन्ज रहेको छ ।

भिडियो :

via IFTTT

from SHYANE http://ift.tt/2in0SND
via IFTTT

देवी र कमला बने कीर्तिमान

पुस ११ । सातौं राष्ट्रिय खेलकुद प्रतियोगिताअन्तर्गत् सप्तरी सदरमुकाम राजविराजमा सन्चालन भइरहेको भारोत्तोलन प्रतियोगितामा महिलातरफ़  दुई खेलाडीले राष्ट्रिय कीर्तिमान बनाएका छन् ।

नेपाल प्रहरीकी देवी चौधरीले ५३ केजी तौल समूहमा र नेपाली सेनाकी कमला श्रेष्ठले ५८ केजी तौल समूहमा नयाँ राष्ट्रिय कीर्तिमान कायम गरेका हुन् ।

चौधरीले आफ्नै नामको कीर्तिमान भंग गर्नेक्रममा स्न्याचमा ६० र क्लीन एन्ड जर्कमा ७८ गरी कुल १३८ केजीको कीर्तिमानी तौल उचालेर स्वर्णपदक हात पार्न सफल भएकी छन् ।

५८ केजी तौल समूहमा नेपाली सेनाकी कमला श्रेष्ठले स्न्याचतर्फ ६६ र क्लीन एन्ड जर्कतर्पm ७९ गरी कुल १४५ केजी भार उचालेर नयाँ कीर्तिमान कायम गर्दै स्वर्णपदक प्राप्त गरेकी छन् ।

यसअघि, सो तौल समूहमा १४० केजीको कीर्तिमान कायम रहेको थियो ।

पुरुषतर्फको ६९ केजी तौल समूहमा मध्यपश्चिमाञ्चलका प्रकाश केसी २८१ केजी उचालेर स्वर्ण, नेपाली सेनाका भुजबहादुर सारुले १९७ केजी उचालेर रजत तथा नेपाल प्रहरीका ओमप्रकाश वैश्यले १८७ केजी उचालेर कास्यपदक प्राप्त गरेका छन् ।

पुरुषतर्फकै ७७ केजी तौल समूहमा नेपाली सेनाका सुरेन्द्र श्रेष्ठ, २०५ केजी उचालेर स्वर्ण, नेपाली सेनाकै राजु चौधरीले १९५ केजी उचालेर रजत तथा मध्यमाञ्चलका सरोज यादवले १६२ केजी तौल उचालेर कास्यपदक हात पारेका छन् ।

from ARENA http://ift.tt/2i11r1O
via IFTTT

पुलिस र मध्यमाञ्चल सेमिफाइनलमा

पुस ११ । सातौं राष्ट्रिय खेलकद प्रतियोगिताअन्तर्गतको पुरुष फुटबल प्रतियोगितामा नेपाल पुलिस क्लब र मध्यमाञ्चल सेमिफाइनल प्रवेश गरेका छन् ।

समूह ‘ए’को विजेता बन्दै पुलिस र उपविजेता बनेको मध्यमाञ्चल सेमिफाइनलमा पुगेका हुन् ।

धरान–१७ स्थित एन्फा टेक्निकल सेन्टरको खेल मैदानमा सोमबार भएको पहिलो खेलमा नेपाल पुलिसले मध्यमाञ्चल विकास क्षेत्रलाई ३–१ ले पराजित गर्दै समूह ‘ए’को विजेता बनेको हो ।

सोमबारै दोस्रो खेलमा यसअघि एक खेल जितेको पश्चिमाञ्चल पूर्वाञ्चलसँग ३–१ गोलले पराजित भएपछि पुलिसलाई समूह विजेता बन्ने ढोका खुलेको थियो ।

लिग चरणको खेलमा पुलिस र मध्यमाञ्चलले समानरुपमा ६–६ अंक जोडेका भएपनि ‘हेड टु हेड’को आधारमा पुलिस समूह विजेता बनेको हो ।

प्रतियोगिताअन्तर्गत् मंगलबारको पहिलो खेल सशस्त्र प्रहरी र त्रिभुवन आर्मी तथा दोस्रो खेल मध्यपश्चिमाञ्चल र सुदूरपश्चिमाञ्चलबीच हुनेछ ।

from ARENA http://ift.tt/2i12QoY
via IFTTT

सावित्राले एक्लैले गरिन् भुटानलाई ५ गोल

पुस ११ । भारतको सिलिगुडीमा सोमबारदेखि सुरु भएको साफ महिला फुटबल च्याम्पियनसिपको चौथो संस्करणको उद्घाटन खेलमा नेपाल विजयी भएको छ ।

नेपालले कमजोर भुटानमाथि ८–० को फराकिलो जित हासिल गरेको हो ।

नेपाललाई जिताउनेक्रममा सावित्रा भण्डारी एक्लैले *५ गोल गरिन् । त्यसैगरी, शर्मिला थापाले २ र कृष्णा खत्रीले एक गोल थपे ।

यसअघिका तीन संस्करणको फाइनलमा भारतसँग पराजित हुँदै उपविजेतामा सीमित भएको नेपालले योपटक लामो समयदेखि नियमित प्रशिक्षण गरिरहेकाले उपाधि नै जित्ने सम्भावना बढेको छ ।

तर, घरेलु मैदानमा तीनपटकको च्याम्पियन भारतलाई हराउन भने नेपालले अहिलेदेखि नै गतिलो रणनीति बनाउनु पर्नेछ ।

प्रतियोगिताको तयारीस्वरुप काठमाडौंमा गत साता खेलिएको मैत्रीपूर्ण अभ्यास खेलमा नेपालले मलेसियालाई १–० ले हराएसँगै थप हौसिएको थियो ।

नेपालले प्रतियोगिताको समूह चरणमा भुटानसहित माल्दिभ्स र श्रीलंकासँग खेल्नेछ ।

अर्को समूहमा भारत, अफ्गानिस्तान र बंगलादेश रहेका छन् । पाकिस्तानले भने प्रतियोगितामा भाग लिएको छैन ।

from ARENA http://ift.tt/2ibxs7T
via IFTTT