माघ २९ । तेह्रथुमको लालीगुराँस नगरपालिकास्थित बसन्तपुरमा जिल्लाकै नमुना खेलमैदान निर्माण हुने भएको छ ।
चालु आर्थिक वर्षमा बसन्तपुर नयाँ शहरी विकास आयोजनाको ६० लाख रुपैयाँ लागतमा खेलमैदान निर्माणको काम भइरहेको छ ।
यो वर्ष कटिङ, ग्याभिङ र जाली लगाउने काम भइरहेको छ । १२० लम्बाई र ९० मिटरको चौडाई भएको खेल मैदान निर्माणको काम आगामी वैशाखसम्ममा पुरा हुने निर्माण कम्पनीले जनाएको छ ।
प्याराफिड, शौचालय, ड्रेसिङ तथा चेन्जिङ रुम, स्टेजलगायत पूर्वाधारसहितको सुविधासम्पन्न मैदान निर्माण गरिने नयाँ शहरी विकास आयोजनाको कार्यालय बसन्तपुरका प्रमुख द्रोणमान कटुवालले बताए ।
आगामी ५ वर्षसम्म मैदान आधुनिकीकरणमा ६ करोड रुपैयाँ खर्च गरिने कार्यालायले जनाएको छ ।
from ARENA http://ift.tt/2kvV6Ko
via IFTTT
0 comments:
Post a Comment