ट्रकको ठक्करले धुजाधुजा भयो टेम्पो, सडकमा छरियो १२ जनाको लाश

तीव्र गतिमा रहेको एक ट्रकले टेम्पोलाई ठक्कर दिदा कम्तीमा १२ यात्रुको मृत्यु भएको छ । ठक्करका कारण टेम्पो सडकमै धुजाधुजा भएको र सडकभरी लाश छरिएको प्रहरीले जनाएको छ ।

झारखन्ड राज्यको गुम्ला जिल्लाको एक राजमार्गमा आइतबार अबेर राति हिन्दुहरुको पर्व मनाएर फर्किरहेका व्यक्तिहरुको मृत्यु भएको बताइएको छ । प्रान्तीय राजधानी राँचीबाट १०० किलोमिटर टाढा रहेको स्थानमा सो घटना भएको छ । यस घटनामा ट्रक चालक पनि घाइते भएको गुम्ला प्रहरी प्रमुख अन्शुमनकुमारले एएफपी समाचार समितिलाई बताए ।

यस घटनामा गम्भीर घाइते भएका चारजना यात्रुको अस्पतालमा उपचार भइरहेको बताइएको छ । भारत विश्वको तुलना बढी मात्रामा सडक दुर्घटना हुने देशको सुचीमा पर्दछ । खराव स्थितमा रहेको सडक, मर्मत नभएको सवारी साधन र चालकको लापरबाहीका कारण भारतमा सडक दुर्घटना बढी मात्रामा हुने गरेका अधिकारीहरुको भनाई छ ।

भारतमा सडक दुर्घटनामा प्रत्येक बर्षमा १ लाख ५० हजार भन्दा बढीको मृत्यु हुने गरेको सरकारी तथ्याङ्कले जानकारी दिएको छ । गत डिसेम्बरमा भारतीय पश्चिमी राज्य राजस्थानमा एउटा बस नदीमा खस्दा भएको सडक दुर्घटनामा परी कम्तीमा ३२ व्यक्तिको मृत्यु भएको थियो ।

The post ट्रकको ठक्करले धुजाधुजा भयो टेम्पो, सडकमा छरियो १२ जनाको लाश appeared first on Taja nepali news.

http://ift.tt/eA8V8J

from SHYANE http://ift.tt/2mH7hqQ
via IFTTT