चैत १५ खेलको ३७ औं मिनेटमा गोल गर्दै भरत खवासले नेपाललाई प्रारम्भिक अग्रता दिलाए पनि ८७ औं मिनेटमा कमजोर डिफेन्सको फाइदा उठाउँदैमलेसियाले गोल गरेको थियो ।
यो बराबरीले भने नेपालले अझै टिममा सुधार गर्नुपर्ने स्पष्ट भएको छ । यो खेललाई केही समयअघि नेपाली टोलीको जिम्मेवारी सम्हालेका जापानी प्रशिक्षक ग्योतोकु कोजीको परीक्षाको रुपमा लिइएको थियो । तर नेपाली टिमले भने यसअघिका खेलमा गर्दै आएको गल्तीलाई दोहोर्याएको छ ।
कोजीले यो खेल आफ्ना लागि नेपाली खेलाडी चिन्ने अवसर भएको बताउँदै टोलीमा अधिकांश युवा खेलाडी भएकाले उनीहरुमा सिक्ने, जित्ने र राम्रो फुटबल खेल्ने चाहना र क्षमता भएको बताएका छन् ।
बिराज महर्जनको कप्तानीमा मैदानमा उत्रिएको नेपाली टोलीमा बिमल घर्तिमगर, अञ्जन बिष्ट, अनन्त तामाङ, रोहित चन्दलगायतका केही प्रमुख खेलाडी भने उपस्थित थिएनन् ।
from ARENA http://ift.tt/1ofDdzX
via IFTTT
0 comments:
Post a Comment