चितवन, जेठ २– भरतपुर महानगरपालिका वडा नम्बर १ को गणना सम्पन्न हुँदा मेयरका एमालेका उम्मेदवार देवी ज्ञवालीले अग्रता कायमै राखेका छन् ।
एमालेका ज्ञवालीले १५१३ मत प्राप्त गरेका छन् भने नेकपा माओवादी केन्द्रकी रेणु दाहालले ११३५ मत प्राप्त गरेकी छन् ।
कांग्रेस गठबन्धनकी उम्मेदवार रेणु पछाडि परे पनि सोही गठबन्धनका कांग्रेस उम्मेदवार जयराम श्रेष्ठ भरतपुर १ मा वडाध्यक्षमा विजयी भएका छन् । यसले दाहाललाई भोट नदिएर गठबन्धनले अन्तर्घात गरेको आशंका गरिएको छ ।
त्यस्तै उपमेयरतर्फ माओवादी–कांग्रेसका गठबन्धनबा कांग्रेसकी पार्वती शाहले १४०१ मत ल्याएकी छन् भने एमालेका दिव्या शर्माले ११८८ प्राप्त गरेकी छन् ।
भरतपुर महानगर १ मा कांग्रेसका श्रेष्ठ विजय भएसँगै कांग्रेस कार्यकर्ताले विजय जुलुस निकालेका छन् । कम्युनिष्ट बाहुल्यता रहेको १ नम्बर वार्डमा माओवादीसँगको गठबन्धनकै कारण कांग्रेस उम्मेदवार विजयी भएका हुन् ।
http://ift.tt/eA8V8Jfrom SHYANE http://ift.tt/2rmFg7z
via IFTTT
0 comments:
Post a Comment