आगामी भदौ १ गतेदेखि सूर्यले आफ्नो राशि परिवर्तन गर्दै छ । सबै गृहभन्दा शक्तिशाली सूर्य १ भदौदेखि कर्कट राशिमा प्रवेश गर्ने छ । यसभन्दा अगाडि २७ साउन (शुक्रबार)देखि मंगल गृह पनि कर्कट राशिमा गएर बसेको छ ।
ज्योतिष गणनाका अनुसार यी दुईटै गृह एउटै राशिमा आएर बस्दा अन्य राशिका व्यक्तिलाई शुभ–अशुभको प्रभाव रहनेछ ।
मेष राशि
मेष राशि भएका व्यक्तिको हकमा सूर्य तपाईको चौथो भावमा गएर बस्ने छ । कर्कट राशिमा सूर्यको प्रवेशले जीवनसाथीलाई पनि कार्यक्षेत्रमा लाभ प्राप्त हुन संभावना हुन्छ । यद्यपि सूर्यको अधिक प्रभाव हुने भएकाले तपाईलाई कार्यक्षेत्रमा मानसिक तनाव भने हुने छ ।
वृष राशि
वृष राशि भएका व्यक्तिको हकमा सूर्य तपाईको राशिको तेस्रो भावमा प्रवेश गर्ने छ । सूर्यको आगमनले तपाईलाई नयाँ ऊर्जा दिने छ । साथै तपाईको कार्यक्षेत्रमा बदलाव आउन सक्छ । सायद तपाई नयाँ नोकरी खोज्न सफल हुन सक्नु हुन्छ ।
मिथुन राशि
मिथुन राशिका व्यक्तिको हकमा सूर्य तपाईको राशिको दोस्रो भावमा प्रवेश हुने छ । जसकारण तपाईको स्वभावमा केही परिवर्तन आउने छ । तपाईमा आक्रोश बढ्न सक्छ, त्यसैले सधैं सतर्क रहनु होला ।
कर्कट राशि
सूर्य यही राशिमा प्रवेश गर्दै छ । जसकारण कर्कट राशि भएका व्यक्तिको स्वभावमा अहंकार बढ्न सक्छ । स्वभावमा आउने परिवर्तनले केही व्यक्तिसँगको सम्बन्ध विग्रिनसक्ने संभावना पनि हुन्छ । त्यसैले यो राशि भएका व्यक्तिले स्वयंमाथि नियन्त्रण गर्नु राम्रो हुनेछ । (स्रोत : लोकान्तर)
from SHYANE http://ift.tt/2tViGJ3
via IFTTT
0 comments:
Post a Comment