पुस २२ । इङ्लिस एफए कप फुटबल प्रतियोगिताको तेस्रो चरणका खेल आजबाट हुँदैछन् ।
इङ्लिस प्रिमियर लिग फुटबलका आधा खेलहरु सकिएपछि एफए कपका मुख्य खेल सुरु हुने व्यवस्था छ । एफए कपका सुरुवाती खेल यसअघि नै भए पनि प्रिमियर लिगका क्लबहरु भने तेस्रो चरणबाट मात्रै यो प्रतियोगितामा सहभागी हुन्छन् । त्यसैले एफए कप फुटबल प्रतियोगितामा तेस्रो चरणदेखि निकै महत्वका साथ हेरिन्छ ।
आज हुने खेलमा प्रिमियर क्लबहरु म्यानचेस्टर सिटी र वेष्ट ह्याम युनाईटेड भिड्नेछन् । यसैगरी तेस्रो चरणकै खेलमा एभर्टन र लेष्टर सिटी भिड्दा हल सिटी र स्वान्सी सिटी तथा सण्डरल्याण्ड र बर्नले भिड्नेछन् ।
यसैगरी लिभरपुलले चौथो डिभिजनको प्लाईमाउथसँग खेल्दा चेल्सीले तेस्रो डिभिजनको पिटरबोरोसँग खेल्नेछ । म्यानचेस्टर युनाईटेडले च्याम्पियनसिप क्लब रिडिङसँग खेल्दा आर्सनल पनि च्याम्पियनसिपकै प्रेस्टनसँग खेल्नेछ ।
from ARENA http://ift.tt/2hWJAFF
via IFTTT
0 comments:
Post a Comment