पुस २७ । विश्वकप फुटबलमा सन् २०२६ देखि ४८ टिम सहभागी हुने भएका छन् ।
अहिले ३२ टिम रहेकामा सन् २०२६ सम्म विश्वकप खेल्ने टिमको संख्या ४८ पुग्ने जनाइएको छ ।
स्वीट्जरल्यान्डको ज्यूरिचमा मंगलबार भएको फिफाको बैठकले सो निर्णय गरेको हो ।
योसँगै विश्वकप फुटबलको अन्तिम चरणमा हुँदै आएका ६४ खेलको संख्या बढेर ८० पुग्नेछन् । त्यस्तै, विश्वकप सकिन ३२ दिन लाग्नेसमेत जनाइएको छ ।
फिफा अध्यक्ष जियानी इन्फान्टिनोले फुटबललाई अझ बढी विस्तार गर्नका लागि र विश्वकपलाई थप रोमान्चक बनाउन टिम संख्या बढाइएको प्रतिक्रिया दिएका छन् ।
सन् १९९८ को फ्रान्स विश्वकपदेखि विश्वकपमा ३२ टिमले सहभागिता जनाउँदै आएका छन् ।
सन् १९३० को पहिलो विश्वकपमा भने १३ टिमलेमात्र सहभागिता जनाएका थिए ।
from ARENA http://ift.tt/2ib6ZIg
via IFTTT
0 comments:
Post a Comment