पुस २९ । नेपाल पुलिस क्लब र त्रिभुवन आर्मी क्लब राजधानीमा जारी रुस्लान कप ट्वेन्टी–२० क्रिकेट प्रतियोगिताको सेमिफाइनलमा प्रवेश गरेका छन् ।
कीर्तिपुरस्थित क्रिकेट मैदानमा शुक्रबार भएको क्वार्टरफाइनल खेलमा विजयी हुँदै दुबै टोलीले अन्तिम चारमा स्थान सुरक्षित गरेका हुन् ।
पहिलो क्वार्टरफाइनल खेलमा नेपाल पुलिस क्लबले हिमालयन ह्वाइटहाउसलाई ८ विकेटले पराजित गर्यो ।
हिमालयन ह्वाइटहाउसले प्रस्तुत् गरेको ९९ रनको विजयी लक्ष्य १३औं ओभरमा मात्र २ विकेट गुमाएर पूरा गर्नेक्रममा ‘म्यान अफ द म्याच’ नेपाल पुलिसका सुनील धमलाले अविजित ६० रनको योगदान गरे ।
त्यस्तै, आर्मीले पीसी फाइटर क्लबलाई १० विकेटको फराकिलो अन्तरले हराउँदै सेमिफाइनलमा स्थान बनाएको छ ।
खेलमा टस जितेर पहिले ब्याटिङ रोजेको पीसी फाइटरले १७ ओभर खेल्दै मात्र ४५ रन जोड्न सक्यो । विजय सुनारले ११ रन जोड्नुबाहेक कुनै ब्याट्सम्यानले दोहोरो अंक छुन सकेनन् ।
जवाफमा आर्मीले मात्र ४ ओभरमा बिनाकुनै विकेटको क्षतिमा लक्ष्य पूरा गर्यो । आर्मीका लागी सागर पुनले ३६ तथा सोमपाल कामीले ३ रन जोडे ।
from ARENA http://ift.tt/2j9ybV6
via IFTTT
0 comments:
Post a Comment