छिमेकीसंग ५०० सापटी मागेर नायक बनेका नाजिर …

थ्रिएटर हुँदै ‘पुण्टे परेड’ बाट आफनो अभिनय यात्रा सुरु गरेका नायक नाजिर हुसेनले सोलो हिट चलचित्र नदिए पनि उनको व्यस्ततामा भने कुनै कमी आएको छैन । हाल राज्जा रानीको प्रमोसनमै व्यस्त रहेका उनको अर्काे चलचित्र कागजपत्र पनि फ्लोरमै रहेको छ । दुब्लो शरिर ,कालो बर्ण तर अभिनय भने जोडदार ।

यहि क्षमताको कारण आज नाजिर चर्चित छन् । उनी मुस्लिम समुदाय त्यसमा पनि मधेशका बासिन्दा उनलाई धेरैले भारतीय भनेर टिप्पणी गर्छन् । तर उनी बिरगञ्जमा बस्ने रैथाने नेपाली हुन् । उनको संघर्षको कथा पनि बेग्लै छ । बिरगञ्जमा हुँदा शिक्षण पेशामा समेत आवद्ध रहेका उनी त्यसपछि अभिनयको भुत चढेर काठमाडौँ आएका थिए ।

थ्रिएरटमा काम गर्न थालेका उनलाई त्यतीबेला बज्रपात प¥यो जतिबेला उनको आमाको निधन भयो । हरेक कुरामा साथ दिने आमाको निधन भएपछि उनलाई अभिनयकै लागि परिवारबाट सहयोग भएन । घरमा दाईहरुसंग झगडा गरि छिमेकी दाईसंग ५०० रुपैयाँ सापटी मागेर पुन काठमाडौँ छिरेका नाजिर आज त्यही ५०० ले स्टार बनाईदिएको भनी धक फुकाएर भन्न हिच्किाउँदैनन् ।

होस्टल रिर्टन्सबाट व्यवसायिक हिसाबले नायककोरुपमा स्थापित नाजिर भन्छन् आज म जुन स्थानमा छु खुसी छु । नाजिरको यति बेला नयाँ चलचित्र राज्जा रानी पुष २१ गतेबाट रिलिज हुँदैछ । मधेशमा रहेको दाईजो प्रथा र छोरीको अवस्थालाई चित्रण गरिएको राज्जा रानी यतिबेला प्रमोसनको क्रममा रहेको छ ।

The post छिमेकीसंग ५०० सापटी मागेर नायक बनेका नाजिर … appeared first on Taja nepali news.

http://ift.tt/eA8V8J

from SHYANE http://ift.tt/2CsneHY
via IFTTT