कालिकोट, ८ पुस – सरकारले कालिकोटमा प्रहरीको गोली लागेर म्यादी प्रहारीको मृत्यु भएको घटना छानबिनका लागि टोली गठन गरेको छ ।
प्रहरीसँगको झडपमा शुक्रबार म्यादी प्रहरी विवेक ऐडीको मृत्यु भएपछि गृहमन्त्रालयले शनिबार छानबिन समिति गठन गरेको हो ।
गृह मन्त्रालयका सहसचिव डा. मानबहादुर विक संयोजकत्वमा गठित छानबिन समितिमा नेपाल प्रहरीका डिआईजी रमेश खरेल, सशस्त्र प्रहरीका डिआईजी प्रवीण श्रेष्ठ र राष्ट्रिय अनुसन्धान विभागका अनुसन्धान निर्देशक लक्ष्मण गुरुङ सदस्य छन् ।
समितिलाई एक साताभित्र घटनाको छानबिन गरी प्रतिवेदन बुझाउन भनिएको गृह मन्त्रालयका निमित्त सचिव केदार न्यौपानेले जानकारी दिए । यसैबीच सरकारले घटनामा मृत्यु भएका म्यादी प्रहरीका परिवारलाई राहत स्वरुप १० लाख रुपैयाँ दिने निर्णय गरेको छ ।
यस्तै झडपमा घाइते भएकाहरुको निःशुल्क उपचार गरिएको भएको छ । तलब नपाएको भन्दै प्रदर्शनमा उत्रिएका म्यादी प्रहरीको जुलुसमा प्रहरीले गोली चलाएको थियो ।
The post डिआईजी रमेश खरेलले पाए यस्तो जिम्मेवारी appeared first on Taja nepali news.
http://ift.tt/eA8V8Jfrom SHYANE http://ift.tt/2pnoUQ4
via IFTTT
0 comments:
Post a Comment